भैसी तस्करीमा सशस्त्रको मिलेमतो

१९ साउन, बीरगञ्ज । सशस्त्र प्रहरी बल बीओपी सबैठवाको मिलोमतोमा गाई, भैसीको व्यापक रुपमा तस्करी शुरु भएको पाइएको छ ।सबैठव बीओपी प्रमुख एवम सशस्त्र प्रहरी निरीक्षक प्रकाश भुजेलको मिलोमतोमा बडका गाऊ , खेस्राहा नाका भई भारतबाट नेपाल भित्र्याईका गाई, भैसीहरु लहावरथकरी गाऊको बाटो प्रयोग गरि पोखरिया, डकैला बहुअरी , जगरनाथपुर हुँदै परवानीपुर बजारसम्म पुर्‍याउने गरेको प्रत्यक्षदर्शीले बताएका छन् ।

सशस्त्र प्रहरीले प्रत्येक गोटा भैसीको ५०० देखि १००० रुपैयाँसम्नको दरले रकम असुली गरि दिनहुँ एक सय भन्दा बढीको संख्यामा सो नाकाबाट नेपाल भित्र्याईरहेको नाम नछाप्ने शर्तमा एक सशस्त्र प्रहरीका सिपाहीले बताएका छन् । उनका अनुसार सशस्त्र प्रहरी निरीक्षक भुजेलले आफ्नो माथिल्लो हाकिमहरुको नाऊमा भैसी व्यापारीहरुसँग लाखौं रुपैयाँ असुली गरि तस्करीको लाईन दिएको एक तस्करले बताएका छन्।

विगत केही दिन पहिला सबैठवा नाका भई नेपाल भित्र्याईका १४ वटा भैसी मध्ये १० वटा भैसी अमरपर्टी र ४ वटा भैसी अर्को बीओपीले पक्राउ गरेको थियो । यसबाट पनि प्रमाणित हुन्छ की सबैठवा नाकाबाट व्यापक रुपमा तस्करी भईरहेको छ।

सशस्त्र प्रहरी बल २ नम्बर प्रदेश प्रमुख एवम डीआईजी चन्द्रप्रकाश गौतमले आफु ईमान्दार भएको दाबी गरेपनि उनको मातहत रहेका सबैठवा बीआपीका प्रमुख एवम प्रहरी निरीक्षक भुजेलले तस्करहरुसँग मोटो रकम असुली गरि तस्करीको लाईन दिएपनि केही कारवाही नगरेको हुनाले डीआईजीको भूमिकामाथि पनि शंकाको बिषय बनेको छ।

डीआईजीले भूजेलमार्फत रकम असुलेर कारवाही नगरेको हुनसक्ने एक प्रहरी अधिकृतले दावी गरे ।