प्रदेश नं १ मा ९२२ संक्रमित, १२ जनाको मृत्यु

२० साउन, विराटनगर । पछिल्लो २४ घण्टामा प्रदेश नं १ मा ९२२ जनामा कोरोना संक्रमण भएको छ । सो अवधिमा एक हजार ५६६ को पीसीआर परीक्षण गर्दा ४८५ र एक हजार ६७३ जनाको एन्टिजेन परीक्षण गर्दा ४३७ जनामा संक्रमण देखिएको सामाजिक विकास मन्त्रालयले जनाएको छ ।

मन्त्रालयका अनुसार पीसीआर परीक्षणका आधारमा झापामा २१५, मोरङमा १३५ मध्ये विराटनगरमा ४१, सुनसरीमा ९९, धनकुटामा १९, उदयपुरमा छ, पाँचथर र सङ्खुवासभामा दुई÷दुई, इलाम र खोटाङमा एकएक र प्रदेश बाहिरका पाँच जनामा संक्रमण देखिएको छ ।

सोही अवधिमा प्रदेशमा आज ३६५ जना कोरोना संक्रमण मुक्त भएका छन् । संक्रमणमुक्त हुनेमा १६६ महिला र १९९ पुरुष रहेका छन् । पछिल्लो २४ घण्टामा कोरोना संक्रमणबाट सात जना महिलासहित १२ जनाको मृत्यु भएको मन्त्रालयले जनाएको छ ।