माओवादीमै फर्किएकी विमलाकुमारीले आज पत्रकार सम्मेलन गर्दै

२१ साउन, बुटवल । एक हप्तादेखि सम्पर्कविहीन भएकी लुम्बिनी प्रदेशसभा सदस्य विमलाकुमारी खत्री वली आज पत्रकार सम्मेलन गरी सार्वजनिक हुने भएकी छिन् ।

उनी हालै नेकपा एमालेमा सक्रिय रहने विज्ञप्ति जारी गरेकी उनले ‘बोली फेर्दै’ बुधबार माओवादीमै फर्किएकी हुन् ।

उनी निकट स्रोतका अनुसार वली माओवादी केन्द्रमै रहेको र आज पत्रकार सम्मेलन गरेर सार्वजनिक गर्ने तयारी रहेको छ । उनले आज दिउँसो १ बजेतिर पत्रकार सम्मेलन गरेर सबै कुरा राख्‍ने स्रोतले बताएको छ र

दाङ क्षेत्र नं। ३ को ‘ख’बाट निर्वाचित वली गएको साउन १५ गते माओवादी पार्टिको सम्पर्कविहीन भएकी थिइन् । सम्पर्कभन्दा बाहिर रहेपछि वली एक सातादेखि सार्वजनिक कार्यक्रममा देखिएकी छैनन्।

यसबीचमा लुम्बिनी प्रदेशमा मुख्यमन्त्री शंकर पोखरेलविरूद्ध विपक्षी गठबन्धनका सांसदले अविश्वास प्रस्ताव दर्ता गरेका छन्।

आफ्नो पक्षमा बहुमत पुर्‍याउन सत्तारूढ एमाले र विपक्षी नेकपा माओवादी केन्द्र, नेपाली कांग्रेससहित दलका सांसदहरू थप सांसद आफ्नो पक्षमा तान्ने प्रयास गरिरहेका छन्।