अवैध लागूऔषध गाँजा सहित एक पक्राउ

३२ साउन, काठमाडौं । काठमाडौंमा अवैध लागूऔषध गाँजा सहित एक जनालाई प्रहरीले पक्राउ गरेको छ ।  चन्द्रागिरी नगरपालिका-२ नागढुङ्गाबाट करिब १ किलो ९ सय ग्राम अवैध लागूऔषध गाँजा सहित उदयपुर चौदन्डीगडी नगरपालिका-४ बस्ने २४ वर्षीय सुदिप राईलाई आइतबार दिउँसो प्रहरीले पक्राउ गरेको हाे ।

ग.१ ख ६४७५ नम्बरको बसलाई महानगरीय प्रहरी प्रभाग नागढुङ्गाबाट खटिएको प्रहरीले बसमा सवार उनलाई जाँच गर्ने क्रममा झोलामा ल्याउँदै गरेको उक्त गाँजा सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।