लुम्बिनी प्रदेशसभा बैठक नाराबाजी गर्दै अवरुद्ध

२ भदौ, काठमाडौं । नेकपा एमालेले लुम्बिनी प्रदेशसभामा सदनको कारबाही अघि बढाउन अवरोध गरेपछि बुधबार पनि संसद बैठक स्थगित भएको छ।

एमाले सांसदहरुले रोष्टम घेराउ गर्दै नाराबाजी गरेपछि संसद बिहीबार दिउँसो १ बजेसम्मका लागि स्थगित भएको हो।एमालेले आफूले कारबाही गरेका सांसदहरु अजय शाही र विमला खत्रीलाई पदमुक्त गर्न माग गर्दै सदन अवरूद्व गरेको छ।

यसअघि मंगलबार पनि प्रतिपक्षी दल एमालेले सदन अबरू पारेको थियो। एमालेले कारबाही गरेका सांसदको विषयमा आएका कागजपत्रका विषयमा अन्य जानकारी पनि आएकाले यसबारे छलफल गरेर अघि बढ्ने सभामुख पूर्णबहादुर घर्तीले बताएका छन्।