सूचना जारी गर्दै लुम्बिनी प्रदेशसभा बैठक स्थगित

३ भदौ, काठमाडौं । सूचना जारी गर्दै लुम्बिनी प्रदेशसभा बैठक स्थगित भएकाे छ । आज बिहिबार दिउँसो १ बस्ने भनिएको प्रदेशसभा बैठक सूचना टाँसेर स्थगित गरिएकाे हाे ।

 प्रदेशसभा सचिव दुर्लभ कुमार पुन मगरले एक सूचना जारी गर्दै नवौं अधिवेशनको तेस्रो बैठक विशेष कारणवश स्थगित गरिएकाे बताएका छन् ।

आगामी बैठक सभामुखज्यूको निर्देशानुसार भदौ साल ७ गते सोमबार दिउँसो १ बजे बस्ने गरी तय भएको समेत सूचनामा उल्लेख छ।

प्रतिपक्षी दल नेकपा एमालेले निरन्तर अवरोध गरेपछि मंगलबार र बुधबार संसद् बैठक स्थगित भएको थियो। बुधबार पनि एमाले सांसदहरूले रोष्ट्रम घेराउ गर्दै नाराबाजी गरेपछि संसद् बिहीबार दिउसो १ बजेसम्मका लागि स्थगित भएको थियो।

एमालेले आफूले कारबाही गरेका सांसद अजय शाही र विमला खत्रीलाई पदमुक्त गर्न माग गर्दै सदन अवरूद्ध गर्दै आएको छ।