एमालेले शाही र वलीलाई पदमुक्त नगरेसम्म संसद चल्न नदिने

६ भदौ, काठमाडौं । नेकपा एमाले लुम्बिनीले प्रदेशसभाका सांसदहरु अजय शाही र विमलाकुमारी खत्री वलीलाई पदमुक्त नगरेसम्म संसद चल्न नदिने जनाएको छ ।

एमालेले कारबाही गरेका दुई सांसद शाही र वलीलाई पदमुक्त गर्न सभामुखलाई पत्र बुझाएपनि पदमुक्त गर्न नमिल्ने बताएपछि एमालेले पदमुक्त नगरेसम्म संसद चल्न नदिने जनाएको हो ।

आइतबार बुटवलमा पत्रकार सम्मेलन गर्दै एमाले लुम्विनीले सभामुखले आफ्नो क्षेत्रअधिकारभित्र नपर्ने विषयमा चासो दिएको समेत आरोप लगाएको छ ।

पत्रकार सम्मेलनमा एमाले लुम्बिनी प्रदेशका प्रमुख सचेतक भूमिश्वर ढकालले शाही र वलीलाई प्रदेश सभा सदस्यबाट निष्काशन नगर्दासम्म संसद अवरुद्ध गर्ने आन्दोलन जारी रहेको बताए ।