लुम्बिनीका मुख्यमन्त्री केसी विश्वासको मत लिने तयारीमा

७ भदौ, काठमाडौं । लुम्बिनी प्रदेशका मुख्यमन्त्री कुलप्रसाद केसीले विश्वासको मत लिने तयारी गरेका छन् । प्रमुख प्रतिपक्षी दल नेकपा एमालेले सदन अवरोध गरिरहेकै समयमा मुख्यमन्त्री कुलप्रसाद केसीले विश्वासको मत लिने तयारी गरेका हुन् ।

प्रदेशसभा सचिवालयले सोमबार प्रकाशन गरेको प्रदेशसभा बैठकको कार्यसूचीमा मुख्यमन्त्रीले आजै विश्वासको मत लिने उल्लेख छ ।

तर लुम्बिनी प्रदेशसभा बैठकमा नेकपा एमालेले लगातार अवरुद्ध गर्दै आएको छ । केसी मुख्यमन्त्रीमा नियुक्त भएसँगै प्रतिपक्ष भएको नेकपा एमालले दुई सदस्यलाई पदमुक्त गर्न दबाब दिँदै लगातार प्रदेशसभाको बैठक अवरुद्ध गर्दै आइरहेकाे छ ।