१८ जीवन बीमा कम्पनीको दावी भुक्तानी ६७ प्रतिशतले वृद्धि, कुनको कति ?

१३ भाद्र, काठमाडौं । नेपालमा रहेका १९ मध्य १८ जीवन बीमा कम्पनीहरुको दावी भुक्तानी ६७ प्रतिशतले वृद्धि भएको छ । गत आर्थिक वर्षको चौथो त्रैमासको वित्तीय विवरण अनुसार १८ जीवन बीमा कम्पनीको दाबी भुक्तानी ३५ अर्ब ४५ करोड ६२ लाख रुपैयाँ भन्दा बढी पुगेको हो ।

राष्ट्रिय बीमा संस्थान बाहेक अन्य १८ वटा जीवन कम्पनीले सार्वजनिक गरेकाे वित्तीय विवरण अनुसार आ.व. ०७७/७८ मा ३५ अर्ब ४५ करोड ६२ लाख रुपैयाँ बीमितलाई दाबी भुक्तानी गरिएको छ । यो आँकडामा अग्रिम भुक्तानी, पूर्णावधि भुक्तानी, समर्पण दाबी, मृत्यु दाबीसमेतको रकम समावेश गरिएको छ ।

सबैभन्दा बढी दाबी भुक्तानी गर्ने कम्पनी

सबैभन्दा बढी दाबी भुक्तानी दिने कम्पनी हो नेपाल लाईफ । नेपाल लाईफबाट बीमितले गत आ.व.मा ९ अर्ब ७१ करोड ९५ लाख रुपैयाँ दाबी भुक्तानी पाएका छन् । नेपाल लाईफको दाबी भुक्तानी ४५.६० प्रतिशतले वृद्धि भएको छ । अघिल्लो आ.व. ७६.७७ मा बीमितलाई नेपाल लाईफले कूल ६ अर्ब ६७ करोड ५५ लाख रुपैयाँ दाबी भुक्तानी गरेको थियो ।

दोस्रो सर्वाधिक दाबी भुक्तानी गरेको एलआइसी नेपालले ७ अर्ब ४९ करोड ७४ लाख रुपैयाँ दाबी भुक्तानी गरेको छ । अघिल्लो आ.व.मा एलआइसी नेपालले जम्मा ३ अर्ब ७६ करोड २१ लाख रुपैयाँ दाबी भुक्तानी गरेको थियो । यसको दाबी भुक्तानीमा ९९.२८ प्रतिशतले वृद्धि देखिएको छ ।

सर्वाधिक दाबी भुक्तानी गर्ने तेस्रो नम्बरमा रहेको छ नेशनल लाईफ इन्स्योरेन्स । नेशनल लाईफ इन्स्योरेन्सबाट बीमितले गत आ.व.मा ४ अर्ब १२ करोड रुपैयाँ दाबी भुक्तानी पाएका छन् । अघिल्लो आ.व.मा २ अर्ब ८५ करोड ८६ लाख रुपैयाँ बीमितलाई नेशनल लाईफले भुक्तानी गरेको थियो । यसको भुक्तानी रकममा ४४.१२ प्रतिशतले वृद्धि भएको छ ।

चौथो नम्बरमा रहेको मेट लाईफले ३ अर्ब ६१ करोड रुपैयाँ आ.व. ७७/७८ मा बीमितलाई भुक्तानी गरेको छ । यो अघिल्लो आ.व.को २ अर्ब ५३ करोड १८ लाख रुपैयाँको तुलनामा ४२.५९ प्रतिशतले बढी हो ।

सबैभन्दा थोरै रकम दाबी भुक्तानी 

१८ वटा जीवन बीमा कम्पनीमध्ये सबैभन्दा थोरै रकम दाबी भुक्तानी गरेको कम्पनीमा प्रभु लाईफ इन्स्योरेन्स रहेको छ । प्रभु लाईफका बीमितले ८ करोड ९८ लाख रुपैयाँ गत आवमा दाबी भुक्तानी पाएका छन् ।

अघिल्लो आ.व.मा प्रभु लाईफले बीमितलाई कूल ८४ लाख १३ हजार रुपैयाँ दाबी भुक्तानी गरेको थियो । यसकाे दायित्व नै कम भएकाले कम भूक्तानी देखिएकाे हाे ।

हेरौ कुन कम्पनीले कति गरे दाबी भुक्तानी ?