नियन्त्रित लागूऔषध सहित एक पक्राउ

१४ भदौ, काठमाडौं । चन्द्रागिरी नगरपालिक-२ नागढुङ्गाबाट नियन्त्रित लागूऔषध नाईट्राभेट ९० ट्याब्लेट र स्पासमो १ सय ४० ट्याब्लेट सहित सप्तरी राजगढ गाउँपालिका-२ घर भएका २७ वर्षीय रितेश कुमार सिंहलाई सोमबार दिउँसो प्रहरीले पक्राउ गरेको छ ।

राजबिराजबाट काठमाडौं आउदै गरेको क-०३-०३-००१ ख ००४२ नम्बरको बसलाई महानगरीय प्रहरी प्रभाग नागढुंगाबाट खटिएको प्रहरीले जाँच गर्ने क्रममा बसमा सवार सिंहलाई उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।