कोहलपुरमा सुनिए कवि वि.पि. अस्तु र सुनिता खनाल !
नेपालबहस संवाददाता
असोज १७, २०७८ आइतबार १३:४२:१२
१७ असोज, काठमाडौं । पछिल्लो समयका बलशाली कवि वि.पि.अस्तु र सुनिता खनालका कविताले कोहलपुरका साहित्य पारखीको माहौल तातिएको छ । शानिबार हाम्रो पूर्णिमा साहित्य प्रतिष्ठान कोहलपुरद्वारा आयोजित स्रष्टा सम्मान, कृति विमोचन तथा कविता वाचन कार्यक्रममा २ कविले आफ्ना शक्तिशाली कविता वाचन गरेपछि माहौल एकाएक तातियो ।
सामान्य जनजीवन र दु:खका कविता वाचन गरेका कवि वि.पि. अस्तु र सुनिता खनालका कविताले दर्शकका आँखा रसाए । कवि अस्तु र खनालले ८र८ वटा कविता वाचन गरेका थिएँ ।
कार्यक्रममा बद्री ढकालको ‘ठ्यौको’ हाइकु संग्रह, छबिलाल खड्काको ‘बिरौटो’ साइनो संग्रह विमोचन गर्दै नेपाल प्रज्ञा प्रतिष्ठान सभाका सदस्य एवं कार्यक्रमका प्रमुख अतिथि हरि तिमिल्सिनाले कोहलपुर साहित्यको माहौल पश्चिम् नेपालमै लोभलाग्दो भएको बताए ।
उनले समग्र कार्यक्रम तथा संस्था चर्चा गर्दै अन्य साहित्यिक संघसंस्थाहरुले पूर्णिमाबाट धेरै कुरा सिक्न सक्ने बताए । कार्यक्रमका विशिष्ट अतिथि एवं लुम्बिनी प्रदेश सभाका सदस्य माननीय पार्वती पुन ‘उषा’ ले कविता वाचन गर्दै संस्थाको भवन निर्माणका लागि आफुले पाउने सांसद कोषबाट आगामी दिनमा रकम उपलब्ध गराउने र मन्त्रालय लगायतमा पहल गर्ने प्रतिबद्धता व्यक्त गरिन ।
कार्यक्रममा नेपालगन्जका उर्दु शायर अब्दुल लतिफ शौकलाई नेपाली तथा उर्दु साहित्यमा लामो योगदान दिए बापत रु। ७ हजार ७ सय ७७ रकमको ‘तुलसीराम स्मृति पुरस्कार-०७७’ ले सम्मान गरिएको थियो । संस्थाका अध्यक्ष कपिल अन्जानले आगामी दिनमा संस्थाको थिएटर हल बनाउने सपनालाई पूरा गर्न सबैले सक्दो आर्थिक तथा रचनात्मक सहयोग गरिदिन अनुरोध पनि गरे ।
कार्यक्रममा इलाका प्रहरी कार्यालय कोहलपुरका प्रमुख रवीन्द्र खनाल, कोहलपुर नगरपालिका वडा नं.१० का वडाध्यक्ष निम बहादुर चलाउने निरज, साहित्यकार इन्द्र भण्डारी, मणि अर्याल, शुक्रॠषि चौलागाईं, सुमित्रा न्यौपाने, अन्जु न्यौपाने, हेमप्रकाश मंजील लगायत १५० भन्दा बढीको उपस्थिति रहेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसाइग्रेसले नेपालका विभिन्न ठाउँमा आफ्नो प्रस्तुति दिने
चैत २६, २०८० सोमबार
ज्ञानुको ‘संवेदनाको समायोग’ माथि पोखरामा चर्चा
चैत २५, २०८० आइतबार
'जून ओर्लेको रात' बजारमा
चैत १४, २०८० बुधबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
ताइवानको संसदमा सांसदहरुबीच हानाहान !
जेठ ५, २०८१ शनिबार
करेन्ट लगाएर माछा मर्ने क्रममा एकको मृत्यु
जेठ ६, २०८१ आइतबार
नेप्सेमा उच्च अङ्कको वृद्धि, सवा पाँच अर्ब बराबरको कारोबार
जेठ ६, २०८१ आइतबार
टीओआरमा सहमति जुटेन, सकियो कार्यदलको बैठक
जेठ ६, २०८१ आइतबार
सिटिजन्स बैंकका सबै कार्डहरू अति सुरक्षित छन्, ढुक्कले चलाउनु भए हुन्छ
जेठ ६, २०८१ आइतबार
नेविसंघले माग्यो गृहमन्त्री लामिछानेको राजीनामा
जेठ ६, २०८१ आइतबार