बिरुवा र पुतली बजार कांग्रेसले भन्यो: चाडवाडका बेला ग्रामीण क्षेत्रका सडक छिटो मर्मत गर्न स्थानीय सरकारलाई आग्रह

२१ असोज, स्याङ्जा । नेपाली कांग्रेसको १४ औं महाधिवेशनबाट स्थानीय पालिकाहरुमा नयाँ नेतृत्व चयन भएसँगै संगठनलाई चलायमान बनाउने क्रम शुरु भएको छ । आआफ्ना पालिकाहरुमा देखिएका विकास निमार्णका समस्या तथा स्थानीय सरकारले गरेका भ्रष्ट्राचार र विकृति विसंगतिका बारेमा नयाँ कार्य समितिले चासो र चिन्ता देखाउन थालेका छन् ।

यसै क्रममा बिरुवा गाँउ कार्य समिति र पुलतीबजार नगर कार्य समितिले चाडवाड नजिकिएसँगै ग्रामीण क्षेत्रका सडकहरु सहज बनाउन स्थानीय सरकारसँग माग गरेको छ ।नेपाली कांग्रेस बिरुवा गाँउ कार्य समितिका नवनिर्वाचित सभापति डोलराज पोखरेल र पुलतीबजार नगर सभापति  सुरजकुमार अधिकारीले दशैतिहार मनाउन गाँउ फर्केने नागरिकलाई यात्रामा सहज बनाउन माग गर्दै स्थानीय पालिकाहरुलाई अनुरोध गरेका छन् ।

बर्षादले ग्रामीण क्षेत्रका सडकहरु अवरुद्धदेखि जीर्ण अबस्थामा पुगेकाले सडकलाई सहज बनाउन कांग्रेसले स्थानीय सरकारलाई आग्रह गरेको हो । पुतलीबजार नगरपालिका र बिरुवा गाँउपालिकाका प्रमुखलाई दुवै पालिकाका कांग्रेस पार्टी सभापतिले ज्ञापनपत्र बुझाउँदै चाडवाडमा नागरिकलाई सहजपुर्ण रुपमा यात्रा गर्ने वातावरण मिलाउन आग्रह गरेका हुन् ।

पुलतीबजार नगर सभापति सुरजकुमार अधिकारी र बिरुवा गाँउपलिका सभापति डोलराज पोखरेलले छुट्टाछुट्टै प्रेस बिज्ञप्ती जारी गरि बर्षादले गर्दा ग्रामीण सडकहरुमा सवारी आवागमनमा कठिनाई देखिएकाले अविलम्व छिटो सडक मर्मत गरी सहजता प्रदान गर्न आग्रह गरेका छन् । दशैतिहारमा गाँउ फकेर्ने मानिसको चाप बढ्छ, विरुवा गाँउपालिका सभापति पोख्रेलले भने, जीर्ण सडकमा यात्रुको सवारी चाप बढ्ने हुदाँ दुर्घट्ना हुन नदिन ध्यानाकर्षण गरेका हौं । नागरिकको यात्रालाई सहजता र चाडवाडका बेला दुर्घट्ना नहोस भनेर स्थानीय सरकारलाई चासो देखाउन भनेका हाैं, उनले भने ।

अधिकांश सडक खाल्डाखुल्डी परेर यात्रामा असहजता पैदा भएकाले छिटो सडक मर्मत गर्न उनीहरुले विज्ञप्तीमार्फत आग्रह गरिएको छ । यस कार्यमा हातेमालो गर्न कांग्रेस पार्टी तयार रहेको पनि विज्ञप्तीमा उल्लेख गरिएको छ । विज्ञप्तीमार्फत सबै पालिकाबासीलाई संस्कृति र संस्कारको जर्गेना गर्ने पर्वलाई हर्सोल्लासका रुपमा मनाउन आग्रह गर्दै शुभकामना व्यक्त गरिएको छ ।

यता पुतलीबजार नगर सभापति अधिकारीले पनि ग्रामीण क्षेत्रका सडकलाई ममर्त गरि यातायातमा सहजता प्रदान गर्न पुतलीबजार नगरपालिकालाई आग्रह गरेको छ । दुबै सभापतिले स्थानीय सरकारका प्रमुखलाई ज्ञापनपत्र समेत बुझाएका छन् । ज्ञापनपत्र बुझ्दै दुवै सरकारका प्रतिनिधिले छिटो भन्दा छिटो ग्रामीण सडकलाई सहजता बनाउने प्रतिवद्धता व्यक्त गरेका थिए ।