कर्णालीको मुख्यमन्त्री कांग्रेसको हातमा

१७ कार्तिक, काठमाडौं । कर्णालीका प्रदेशको मुख्यमन्त्रीमा कांग्रेस नेता जीवनबहादुर शाही नियुक्त भएका छन् । उनी कांग्रेसका संसदीय दलका नेता हुन् । उनले मंगलबार साँझ नै शपथ ग्रहण गरिसकेका छन् ।

शार्ही नेकपा माओवादी केन्द्र र नेकपा समाजवादीको समर्थनमा मुख्यमन्त्री बन्न सफल भएका हुन् । माओवादी केन्द्रका महेन्द्रबहादुर शाहीले मुख्यमन्त्री पदबाट राजीनामा दिएपछि जीवन शाहीले सो पदमा प्रदेश प्रमुखसमक्ष दाबी पेस गरेका थिए । उनले कर्णली प्रदेश सभाका २१ सांसदको समर्थन प्राप्त गरेका छन् ।

जीवनबहादुर शाही कर्णाली प्रदेशका नेपाली कांग्रेस प्रभावशाली नेता मानिन्छन् । आमनिर्वाचनमा हुम्लाबाट प्रत्यक्ष निर्वाचित साँसद हुन् । उनी २०७३ सालको शेरबहादुर देउवा नेतृत्व सरकारमा संकृति पर्यटन तथा नागरिक उड्डयन मन्त्री बनेका थिए । शाही कांग्रेसको तर्फबाट कर्णाली प्रदेशका एक मात्र निर्वाचित सांसद हुन् ।