राप्रपामा अध्यक्ष, उपाध्यक्ष र महामन्त्रीको लागी उम्मेदवारी दर्ता

१७ मंसिर, काठमाडौं । राष्ट्रिय प्रजातन्त्र पार्टी राप्रपा महाधिवेशनमा उम्मेदवारी दर्ता सुरू भएको छ ।
शुक्रबार ११ बजेदेखि उम्मेदवारी दर्ता सुरू निर्वाचन समितिले जनाएको छ ।

निर्वाचन समितिका सहसंयोजक तोरणबहादुर गुरूङका अनुसार उम्मेदवारी दर्ताको समय १ बजेसम्म जारी रहने छ ।
त्यसपछि उम्मेदवारीमाथि दाबी विरोध र उम्मेदवारी फिर्ताका लागि समय दिइएको छ । अपराह्न ५ बजेसम्म दाबी विरोध र फिर्ताको समय तय गरिएको उनले जानकारी दिए ।

अपराह्न ५ बजे सबै उम्मेदवारको अन्तिम सूची सार्वजनिक गरिने छ । त्यसपछि शनिबार बिहानबाट मतदानको कार्यक्रम राखिएको गुरूङले बताए ।
राप्रपा महाधिवेशनमा चार हजार चार सय ७१ जना मतदाता छन्।