एमाले र राप्रपा एउटै हुन् : माधव नेपाल

२१ मंसिर, विराटनगर । नेकपा एकीकृत समाजवादी पार्टीका अध्यक्ष माधवकुमार नेपालले नेकपा एमाले र राष्ट्रिय प्रजातन्त्र पार्टी मिल्ने सम्भावना रहेको बताएका छन् ।

मंगलबार सुनसरीको इटहरीमा आयोजित कार्यक्रममा उनले एमालेलाई संविधान नमान्ने र गणतन्त्र उल्ट्याउन चाहने शक्ति भएको आरोप लगाए । त्यसैले उनले एमाले र राप्रपा एउटै भएको उनको भनाइ थियो । उनले संविधानलाई नमान्ने, लोकतान्त्रिक समाजवादी, गणतन्त्र उल्टा्याउन चाहने राप्रपा र केपी शर्मा ओली नेतृत्वको एमाले एक ठाउँमा उभिने अवस्था आएको बताए । उनले आफूहरुले एमाले छोडेर राम्रो गरेको बताउँदै भने, ‘हामी एमालेमा भएको भए के हुन्थ्यो हालत ? उनले आफूहरु अहिले पनि एमालेमा नै भएको भए हरि बिजोग हुने बताए ।

उनले एमालेका धेरै नेतालाई अध्यक्ष ओलीको व्यवहार र निर्णय चित्त नबुझे पनि बोल्न नसक्ने अवस्थामा रहेकोले नै ओलीले एकलौटी रुपमा आफूले पार्टीलाई नचाइरहेको उनको आरोप थियो । उनले ओली सुध्रिनेवाला मान्छे नभएकोले एमाले नै सिद्धिने संघारमा पुगेको बताए । उनले भने, ‘उकुसमुकुस छ, सुतौं निद्रा नलाग्ने, उठौं चैन नहुने’ ।