महाधिवेशन लक्षित टाँगिएको व्यानरहरु हठाउँदै प्रहरी

२३ मंसिर, काठमाडौं । कांग्रेसको १४ औँ महाधिवेशनमा चुनावी प्रयोजनका लागि पार्टी कार्यालयमा महाधिवेशन लक्षित व्यानरहरु प्रहरीले हटाएका छन् ।

सुरक्षाकर्मीले त्यस्ता व्यानर हटाएका छन् । निर्वाचन आचरसंहिता अनुसार ठूला ठूला व्यानर, प्रचार सामाग्री टाँस्न पाइँदैन । तर आचार संहिता विपरित भएको भन्दै त्यस्ता व्यानर हटाउन थालिएको हो ।

महाधिवेशन यही मंसिर २४ देखि २७ गतेसम्म काठमाडौंमा हुँदैछ । महाधिवेशनको उद्घाटन मंसिर २४ गते दिउँसो १ बजे भृकुटीमण्डपमा हुने छ । त्यहीँ नै बन्द सत्र हुनेछ भने भृकुटीमण्डप र राष्ट्रियसभा गृहमा मतदान हुने पार्टी कार्यालयले जनाएको छ । पार्टीको केन्द्रीय निर्वाचन समितिका अनुसार महाधिवेशन प्रतिनिधिको नामावली प्रकाशन यही मंसिर २४ गते बिहान १० बजे हुनेछ ।

यसैगरी, उम्मेदवार मनोनयन दर्ता मंसिर २५ गते बिहान १० देखि साँझ ५ बजेसम्म, उम्मेदवारी मनोनयन दर्ता उपर दाबी विरोध र जाँचबुझ मंसिर २५ गते साँझ ५ देखि ७ बजेसम्म र दाबी विरोध उपर निर्णय मंसिर २५ गते साँझ ७ देखि ९ बजेसम्म हुने समितिले जनाएको छ ।