न्यायाधीशहरुको आन्दोलन आफु बीचको लडाई हो : उपमहासचिव ज्ञवाली

२३ मंसिर, काठमाडौं । नेकपा एमालेले सर्वोच्च अदालतमा भइरहेको आन्दोलन न्यायाधीशहरु आफु आफु बीचको लडाई भएको औल्यांएका छन् ।

बिहीबार आयोजित पत्रकार सम्मेलनमा एमालेका उपमहासचिव प्रदीप ज्ञवालीले प्रधानन्यायायाधीश चोलेन्द्रशम्शेर जबराको राजीनामा माग गर्दै सर्वोच्चमा भएको आन्दोलनलाई न्यायाधीशहरुको आ–आफ्नै लडाई भएको बताए । उनले भने, ‘अहिलेको हड्ताल न्यायाधीशभित्रको गुटको झगडा हो ।’

कतिपय न्यायाधीशलाई एक जनालाई हटाएर त्यो पदमा पुग्न सकिन्छ कि भन्ने लागेर नै आजको अवस्था आएको उनको भनाई छ । उनले ‘कतिपय वरिष्ठ कानुन व्यवसायीलाई लागेको होला । अहिले तर्साउन सके गरुडको छाँयाजस्तो बनाउन सकिएला ।’

अदालतको आन्दोलनमा कतिपय राजनीतिक दलहरुले छद्मयुद्ध लडेको पनि ज्ञवालीले बताए । अहिलेको आन्दोलनबाट न्यायालय सुधार नहुने पनि उनले बताए ।