आज पनि सुनको मुल्य बढ्याे

१२ पुस, काठमाडौं । सुनचाँदी बजारमा आज छापावाल सुनको मूल्य प्रतितोला रु १००ले बढेर रु ९३ हजार २०० पुगेको छ । अघिल्लो दिन पहेँलो धातु प्रतितोला रु ९३ हजार १०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला रु ९२ हजार ७०० रहने छ जसको मूल्य आइतबार प्रतितोला रु ९२ हजार ६०० तोकिएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा रु १०ले घटेर एक हजार २५० रहेको महासङ्घले जनाएको छ । अन्तर्राष्ट्रिय बजारमा आज सुन प्रतिऔँस एक हजार ८०९ डलर आसपास कारोबार भइरहेको छ ।

सामान्यतः नेपाली बजारमा साउन र लगनको महिनामा सुनको माग बढ्ने गरेको व्यवसायीहरु बताउँछन् । अन्तराष्ट्रिय बजारमा सुनको भाउ घटबढ भए अनुसार नेपालमा पनि सोही अनुसार महासंघले दैनिक कारोबार मुल्य तोक्दै आएको छ ।