नेशनल लाईफ इन्स्योरेन्सद्वारा २० प्रतिशत लाभांश घोषणा

१३ माघ, काठमाडौं । नेशनल लाईफ इन्स्योरेन्स कम्पनी लिमिटेडले अघिल्लो आर्थिक वर्ष २०७६/७७ को मुनाफाबाट कुल २० प्रतिशत लाभांश प्रस्ताव गरेको छ ।

कम्पनीको माघ १२ गते साँझ बसेको सञ्चालक समितिको बैठकले हाल कायम चुक्तापूँजी ३ अर्ब ३९ करोड ८ लाख ८९ हजारको आधारमा १९ प्रतिशत बोनस शेयर र कर प्रयोजनका लागि १ प्रतिशत नगद लाभांश वितरणको प्रस्ताव गरेको हो ।

प्रस्तावित यो लाभांश बीमा समितिको स्वीकृति पश्चात कम्पनीको आगामी वार्षिक साधारण सभाले पारित गरेपछि वितरण हुनेछ ।