हिमालयन रिइन्स्योरेन्सको कस्तो छ वित्तीय अवस्था ?

२३ फागुन, काठमाडौं । हिमालयन रिइन्स्योरेन्सले चालु आर्थिाक वर्षको दोस्रो त्रैमासको वित्तीय विवरण सार्वजनिक गरेको छ । कम्पनीको मुनाफा गत वर्षको सोही अवधिको तुलनामा उच्च दरले बक छ । गत वर्षको दोस्रो त्रैमासमा कम्पनीले ४ करोड ८६ लाख मुनाफा गरेको थियो ।

चालु आवको दोस्रो त्रैमासमा कम्पनीले १२ करोड ४७ लाखभन्दा बढी मुनाफा गरेको छ । जुन मुनाफा गत वर्षको तुलनामा १६१ दशमलव ७२ प्रतिशत धेरै हो ।

पहिलो त्रैमाससम्मको तुलनामा कम्पनीको आम्दानी १५७ दशमलव ७८ प्रतिशत र खर्च १५१ दशमलव ८३ प्रतिशत बढेको छ । दोस्रो त्रैमाससम्म कम्पनीले  २० करोड ४३ लाखभन्दा बढी आम्दानी गरेको हो भने रू। ७ करोड ९५ लाखभन्दा बढी खर्च गरेको हो ।

नेपालमा दोस्रो पुनर्बीमा कम्पनीको रुपमा भित्रिएको यस कम्पनीले दोस्रो त्रैमाससम्म रू। ३० करोड ५५ लाखभन्दा बढी कुल बीमाशुल्क आर्जन गरेको छ । पहिलो त्रैमाससम्म कम्पनीले ८ करोड ८ लाखभन्दा बढी कुल बीमाशुल्क आर्जन गरेको थियो ।

दोस्रो त्रैमाससम्म कम्पनीले २७८ दशमलव १७ प्रतिशत बढी कुल बीमाशुल्क आर्जन गरेको हो । हाल कम्पनीको चुक्तापूँजी ७ अर्ब रहको छ भने जगेडा कोष रकम १२ करोड ८९ लाखभन्दा बढी कायम भएको छ । कम्पनीको बीमाकोषमा ४८ लाखभन्दा बढी रकम रहेको छ भने महाविपत्ती कोषमा ४ लाख भन्दाबढी रकम सञ्चित गरेको छ ।