१० प्रतिशत बोनस घोषणा गरेको एनएलजी इस्योरेन्सको बुकक्लोज कहिले ?

२४ फागुन, काठमाडौं । एनएलजी इन्स्योरेन्स कम्पनी लिमिटेडले चैत ६ गते बुक क्लोज गर्ने भएको छ । कम्पनीले लाभांश र साधारण सभा प्रयोजनको लागि चैत ६ गते बुक क्लोज गर्न लागेको हो ।

चैत ५ गतेसम्म कम्पनीको शेयर खरिद गर्नेले लाभांश हात पार्नेछन् । तसर्थ, चैत्र ०५ गतेसम्म कारोबार गरी कायम शेयरधनीले मात्र साधारण सभामा भाग लिन साथै लाभांश पाउन सक्नेछन्।

कम्पनीले चैत्र १७ गते बिहीबार विहान १०:३० बजे आम्रपाली ब्याङ्केट, थिरवम सडक, बालुवाटार, काठमाडौंमा १६औं वार्षिक साधारण सभा गर्ने भएको छ।

इन्स्योरेन्सले गत आर्थिक बर्षको मुनाफाबाट १० प्रतिशत बोनस शेयर र त्यसमा लाग्ने कर प्रायोजनका लागि ०.५३ प्रतिशत नगद लाभांश दिने भएको छ।

कम्पनीले चुक्ता पूँजी रु १ अर्ब २० करोड ६० लाखको १० प्रतिशत बोनस शेयरका दरले हुने रु १२ करोड ६ लाख र ०।५३ प्रतिशत नगद लाभांशका दरले हुने ६३ लाख ४७ हजार बराबरको लाभांश वितरण प्रस्ताव अघी सारेको हो।