महाप्रबन्धकका लागि १२ जनालाई अन्तर्वार्तामा बोलाइने

२६ फागुन, काठमाडौं ।  उद्योग, वाणिज्य तथा आपूर्ति मन्त्रालयले हेटौंडा सिमेन्ट उद्योगको महाप्रबन्धक पदका लागि १२ जनालाई अन्तर्वार्ताका लागि बोलाउने भएको छ ।

छनोट समितिले प्राप्त दरखास्त मध्ये स्वीकृत उम्मेदवारलाई अन्तर्वार्तामा बोलाउने निर्णय गरेको हो । समितिले नवीनकुमार कर्ण, बसन्तकुमार पाण्डे, भुपेन्द्रप्रसाद अर्याल, राजकुमार चौधरी, राम किसुन गिरी र सन्तोषकुमार तामाङ अन्तर्वार्ताका लागि बोलाएको छ ।

यस्तै भरत रेग्मी, उदयकुमार गुप्ता, कुमार खड्का, कृष्णप्रसाद यादव, घनश्याम न्यौपाने र दिनेशकुमार यादवलाई पनि अन्तर्वार्ताका लागि छनोट गरेको छ । अन्तर्वार्ताको समय तालिका भने पछि सार्वजनिक गरिने मन्त्रालयले जनाएको छ ।