भन्सार एजेन्टको परीक्षा चैत ६ गतेसम्मका लागि स्थगित

२६ फागुन, काठमाडौं ।   उच्च अदालत पाटनले भन्सार एजेन्टको परीक्षा चैत ६ गतेसम्मका लागि स्थगित गर्न आदेश दिएको छ । भन्सार एजेन्टको परीक्षा शनिबारका लागि तय गरिएको थियो  ।

सो रिटमा  न्यायाधीश भोजराज अधिकारीको एकल इजलासलले परीक्षा स्थगित गर्न अल्पकालीन अन्तरिम आदेश दिएको हो ।

भन्सार विभागले प्रकाशित गरेको सूचना नेपालको संविधानको धारा ४२ अनुसार समानुपातिक÷समावेशी नभएको भन्दै कृष्टिना थैवले भन्सार विभागलाई विपक्षी बनाई एक वर्ष अघि रिट दायर गरेकी थिइन् ।

रिट निवेदकले माग गरे बमोजिम अन्तरिम आदेश दिने कि नदिने भन्ने सम्बन्धमा दुवै पक्षसँग छलफल गर्न उपयुक्त हुने भन्दै अदालतले आगामी चैत ६ गते अदालतमा उपस्थित हुन विपक्षीको नाममा आदेश पनि दिएको छ ।