बुक बिल्डिङमा भाग लिन थप ८ संस्थागत लगानीकर्ताले पाए स्वीकृती

१५ चैत, काठमाडौं । नेपाल धितोपत्र बोर्डले योग्य संस्थागत लगानीकर्ताको रुपमा काम गर्नको लागि थप ८ वटा संस्थालाई स्वीकृती दिएको छ । बोर्डले बिहीबार नेपाल टेलिकम, निफ्रासहित ८ संस्थालाई योग्य संस्थागत लगानीकर्ताका रुपमा काम गर्न स्वीकृति दिएको छ ।

बोर्डले चैत २४ गते सानिमा लार्ज क्याप फन्ड, नेपाल दूरसञ्चार कम्पनी, प्रभु सेलेक्ट फन्ड, अल्फा इन्भेस्टमेन्ट, स्काई टच इन्भेस्टमेन्ट एन्ड कन्सल्टेन्ट, टेलिभेन्चर पार्टनर्स, नेपाल इन्फ्रास्ट्रक्चर बैंक र महालक्ष्मी विकास बैंकलाई संस्थागत लगानीकर्ताका रुपमा काम गर्न स्वीकृति दिएको बोर्डले जनाएको छ । यो सँगै योग्य संस्थागत लगानीकर्ताको रुपमा काम गर्न स्वीकृति पाउने कम्पनीको संख्या ९५ पुगेको छ ।

अब कुनै पनि कम्पनीले बुक बिल्डिङ प्रणालीबाट साधारण शेयर जारी गर्न लागेमा यी ९५ वटा कम्पनीले मूल्य निर्धारण प्रक्रियामा भाग लिन पाउनेछन् ।