तीन कम्पनीले पाए आईपीओ निष्कासनको लागि अनुमति

२८ चैत, काठमाडाौं । तीन कम्पनीले आईपीओ निष्कासनको लागि अनुमति पाएका छन् । सोमबार धितोपत्र बोर्डले रिभर फल्स पावर लिमिटेड, दोर्दी खोला जलविद्युत कम्पनी र विन्धवासिनी हाइड्रोपावरलाई आईपीओ निष्कासनको लागि अनुमति दिएको हो ।

यी तीन वटै कम्पनीलाई नेपाल धितोपत्र बोर्डले चैत २८ गते आईपीओ निष्कासनको लागि अनुमति दिएको हो ।

दोर्दी खोला जलविद्युत कम्पनीले २९ लाख ५१ हजार ९२९ कित्ता, विन्धवासिनी हाइड्रोपावरले २५ लाख कित्ता र रिभर फल्स पावर लिमिटेडले ३४ लाख ३० हजार कित्ता आईपीओ निष्कासनको लागि अनुमति पाएका हुन् ।

यी तीन वटै कम्पनीले आयोजना प्रभावित स्थानिय र सर्वसाधारणको लागि आईपीओ निष्कासन गर्नेछन् ।