बुधबार उपकार लघुवित्तको आईपीओ भर्ने अन्तिम दिन, करिब साढे २० लाख बढिले दिए आवेदन

२९ चैत, काठमाडौं । उपकार लघुवित्तको आईपीओ भर्ने भोलि चैत ३० गते अन्तिम दिन रहेको छ । मंगलबार बिहान १० बजेसम्म कम्पनीको आईपीओमा २० लाख ४४ हजार बढीले आवेदकले आवेदन दिएका छन् ।

सीडीएसका अनुसार आज (चैत २९ गते) बिहान १०ः५ बजेसम्ममा २० लाख ४४ हजार ९०२ कित्ताका लागि आवेदन परेको छ ।

कम्पनीले चैत २५ गतेबाट २ करोड ३६ लाख २५ हजार रुपैयाँ बराबरको २ लाख ३६ हजार २५० कित्ता आइपीओ बिक्रीमा ल्याएको हो । यो मध्ये ५ प्रतिशत अर्थात ११ हजार ८१३ कित्ता सामूहिक लगानी कोष र ०.५ प्रतिशत अर्थात् ३ हजार २८१ कित्ता शेयर कर्मचारीहरुका लागि छुट्याइएको छ ।

बाँकी २ लाख २१ हजार १५६ कित्ताका लागि सर्वसाधारणले आवेदन दिन सक्नेछन् । लगानीकर्ताले यसमा न्यूनतम १० कित्तादेखि अधिकतम १ हजार कित्ताको लागि आवेदन दिन सक्नेछन् ।

लगानीकर्ताले सी–आस्वा प्राप्त बैंक तथा वित्तीय संस्था तथा मेरो शेयरमार्फत शेयर भर्न सक्नेछन् । क्रेडिट रेटिङ एजेन्सी इक्रा नेपालले उपकार लघुवित्तको आइपीओलाई ‘इस्यूअर रेटिङ डबल बी माइनस’ प्रदान गरेको छ ।

जसले कम्पनी समयमै वित्तीय दायित्व पूरा गर्न मध्यम जोखिममा रहेको आधार जनाउँछ । इक्रा नेपालले २०७८ असार ९ गते यो रेटिङ दिएको हो । यो रेटिङ २०७९ असार ७ गतेसम्म बाहल रहनेछ ।