नेप्से २३८५ विन्दुमा झयो, नेष्डो समृद्धको शेयरमा सकारात्मक सर्किट

२९ चैत, काठमाडौं । साताको तेस्रो दिन मंगलबार नेप्से परिसूचक २३८५ विन्दुमा झरेको छ । आजको कारोबारमा ३४.७८ अंकले घटेर परिसूचक २३८५ अंकमा सीमित भएको हो ।

यो दिन ३७ लाख ८३ हजार २४ कित्ता शेयर १ अर्ब ५२ करोड ४३ लाख ६४ हजार ४१८ रुपैयाँमा कारोबारभएको छ । यो दिनको कारोबारमा १३ वटा कम्पनीको शेयर मूल्य बढेको छ भने १७७ वटा कम्पनीको शेयर मूल्य ओरालो लागेको छ । साथै ५ वटा कम्पनीको शेयर मूल्य स्थिर छ ।

अधिकांश कम्पनीहरुको शेयर मूल्य ओरालो लागेको दिन नेष्डो समृद्धि लघुवित्त वित्तीय संस्थाको शेयर मूल्यमा भने सकारात्मक सर्किट लागेको छ ।

धेरै गुमाउने कम्पनीहरुमा इमर्जिङ नेपाल, न्यादी हाइड्रोपावर, घलेम्दी हाइड्रोपावर, राष्ट्रउत्थान लघुवित्त कम्पनी छन् ।
कारोबार रकमका आधारमा शीर्ष स्थानमा हिमालयन डिस्टिलरी, नबिल बैंक, शिबम् सिमेन्ट र नेपाल इन्फ्रास्ट्रक्चर बैंक छन् ।