वीरगन्ज एमालेका सरावगीभन्दा गठबन्धनका सिंह दोब्बर मतले अगाडि

३ जेठ, वीरगन्ज । वीरगन्ज महानगरको जारी मतगणनामा मेयरमा गठबन्धनका उम्मेदवार राजेशमान सिंहले अग्रता फराकिलो बनाउदै लगेका छन् । मतगणना शुरु भएदेखि नै अग्रता कायम राखेका सिंहले अहिले ४५०९ मतको अग्रता लिएका छन् ।

मंगलबार अहिले बिहान साढे ११ बजे सम्म १६, ४४७ मत गणना हुदा जसपाका उम्मेदवार सिंहले ८१३१ मत प्राप्त गरेका छन् । उनका निकटतम प्रतिस्पर्धी नेकपा एमालेका मेयर उम्मेदवार विजय कुमार सरावगीले भने ३६२२ मत मात्रै पाएका छन् ।

मेयरमा राप्रपाका उम्मेदवार गिरिश गिरीले भने २७३ मत पाएका छन् । महानगरको उपमेयरमा नेपाली काँग्रेसका उम्मेदवार इम्तियाज आलम ५४२३ मतका साथ अग्रस्थानमा छन् ।

उनलाइ लोसपाका उम्मेदवार पुरुषोत्तमलाल झाले ९१० मतका साथ पछ्याइरहेका छन् । स्वतन्त्र उम्मेदवार रम्भा मिश्राले भने ५९३ मत र राप्रपाकी उपमेयर उम्मेदवार विना जयसवालले ४२० मत पाएकी छन् ।