पूँजी वृद्धि र हकप्रद जारी गर्न रिलायबल नेपाल लाइफले बोलायो साधारणसभा

३ जेठ, काठमाडाैं । रिलायबल नेपाल लाइफ इन्स्योरेन्सले आगामी जेठ २५ गते साधारणसभा बोलाएको छ । पूँजी वृद्धि, हकप्रद शेयर जारी गर्ने र प्रबन्धपत्र तथा नियमावलीमा संशोधन गर्ने विशेष प्रस्तावका लागि साधारणसभा बोलाइएको हो ।

कम्पनी सञ्चालक समितिको गत बैशाख २५ गते बसेको बैठकले वार्षिक साधारणसभा यही जेठ २५ गते आयोजना गर्ने निर्णय गरेको बताएको छ । काठमाडौंको ज्ञानेश्वरस्थित लिसरा ब्यांक्वेटमा बिहान ११ बजेबाट सो साधारणसभा सुरु हुने छ ।

सभाले गत आर्थिक वर्ष ०७७/७८ सम्मको वार्षिक प्रतिवेदनसहितका वित्तीय विवरणहरु पारित गर्नुका साथै चालू आवको लागि लेखापरीक्षक नियुक्ती र निजको पारिश्रमिक निर्धारण समेत गर्ने भएको छ ।