पर्सागढी नगरपालिकामा प्रमुख र उपप्रमुखमा एमाले बिजयी

४ जेठ, वीरगञ्ज । पर्साको पर्सागढी नगरपालिकाको नगरप्रमुखमा नेकपा एमालेका गोकर्ण पाठक निर्वाचित भएका छन् ।

नेपाली कांग्रेसका निवर्तमान नगरप्रमुख लोकनारायण यादवलाई २ हजार ८ सय ९१ मतको फराकिलो मतान्तरले पराजित गर्दै पाठक निर्वाचित भएका हुन् ।

पाठकले ६ हजार ६ सय २४ मत पाएका छन् भने यादवलाई ३ हजार ७ सय ३३ मत परेको छ । जनता समाजवादी पार्टी ९जसपा० का सुरज कुमार मानन्धरले २ हजार ६ सय ८४ मत पाउँदा नेकपा माओवादी केन्द्रका चन्द्र भुषण सिंहले १ हजार ३ सय ७२ मत पाएका छन् ।

नेकपा एकिकृत समाजवादी पार्टीका सत्यनारायणप्रसाद दास थारुले १ हजार ३ सय ५७ र लोकतान्त्रिक समाजवादी पार्टी ‘लोसपा’ का मैनुरदिन मियाले ५ सय १५ मत पाएका छन् ।

नगर उपप्रमुखमा पनि नेकपा एमालेकै पुजा चौधरी निर्वाचित भएकी छिन् । पुजाले ७ हजार ६ सय १६ मत पाउँदा निकटम प्रतिद्वन्द्वी नेपाली कांग्रेसकी निवर्तमान उपप्रमुख अर्चना चौधरीले ३ हजार ४ सय ३० मत पाएकी छिन् । जसपाकी रंजना देवी यादवले २ हजार ४ सय ५५ मत पाएकी छिन् भने नेकपा माओवादी केन्द्रकी शोभावती कुमारीले १ हजार २ सय ७४ मत पाएकी छिन् ।

वडा नम्बर १ मा नेकपा एमालेका राजकपुर खवास ९७०४०, २ मा एमालेकै बीरेन्द्र प्रसाद महतो थारु ९८३३०, ३ मा कांग्रेसका सुकमान तामांग ९१३६९०, ४ मा जसपाका शेष खुर्सिद मियाँ ९९०९०, ५ मा लोसपाका नितेश मिश्रा ९६२३०, ६ मा स्वतन्त्र उम्मेदवार नवलकिशोर प्रसाद कलवार ९४९८०, ७ मा कांग्रेसका शंकर रायभर ९६२२०, ८ मा कांग्रेसकै सुन्दरी देवी थरुनी ९६८८० र ९ मा जसपाका रामबढाई प्रसाद यादव ९६०१० मतले निर्वाचित भएका छन् ।