छोरी को जीवन

अनिता बराइली ।   हजारौं सपना देख्दै आँखा खुलेकी म
हास्दै खेल्दै यहीँ आगनमा हुर्केकी म
हरेक दुख सहेर जन्माइ हुर्काइ ठुली बनायौ मलाई
आफैले नि स्वार्थी संसार चिन्ने बनायौ ।
बल्ल २० पुगि २१ मा लाएकी छु,
बिस्तारै जिन्दगी बुझ्न थालेकी छु ।
कसरी जाउ अहिले बिहे गरि पराइ घरमा?
हजारौं सपना त्यागी पिजडा मा पर्न ,
गाह्रो हुन्छ बिहे गरि अर्काको घर जान
तिम्रो न्यानो काख छोडि कैदि हुन ,
गाह्रो छ नि आमा छोरी बाट बुहारी बन्न ।
सबैको चित्त बुजाइ जिन्दगी जिउन ,
कयौं चेली मरेका छ्न् अनेकौं पीडा परेर
कसरी जाउ म आमा अकालमै मर्न ?
हजारौं सपना पूरा गर्नुछ अझै ,
तिम्रो च्यातिएको चोली फेर्न छ अझै
अहिले नै पराइ घर नपठाइदेउ आमा
तिम्रो ओठमा सुख को मुस्कान ल्याउनु छ ।