एकडारामा जसपाका उम्मेदवार अध्यक्ष र उपाध्यक्ष दुबैमा विजय

 ५ जेठ ,जलेश्वर । महोत्तरीको एकडारा गाउँपालिकाको अध्यक्ष र उपाध्यक्षमा जनता समाजवादी पार्टीको नेतृत्व चुनिएको छ । अध्यक्षमा दिपनारायण मण्डलले ४ हजार ४९९ मत ल्याएर विजयी भएका छन् । उनका प्रतिस्पर्धी लोकतान्त्रिक समाजवादी पार्टी नेपालका रामछविला साहले दुई हजार ४११ मत प्राप्त गरेका छन् ।

त्यसैगरी उपाध्यक्षमा महजबी खातुनले चार हजार ७७१ मत ल्याएर विजयी भएका छन् । महजवी लगातार दोस्रो पटक उपाध्यक्षमा निर्वाचित भएका छन् । उनका निकटतम प्रतिद्वन्द्वी लोसपा नेपालकी रौकसाना खातुनले २ हजार ७६ मत प्राप्त गरेका छन् ।