बीरगञ्जको उपप्रमुखमा ईम्तियाज आलमले मतान्तर बढाए

५ जेठ, बीरगञ्ज। बीरगञ्ज महानगरपालिकाको उपप्रमुखका लागि खसेको मतमध्ये झण्डै ४३ मत बदर भएको छ । ३२ वटा वडामध्ये ११ वटा वडाको ३१ हजार ७ सय १ मत गणना हुँदा १३ हजार ६ सय ५१ मत बदर भएको हो ।

सदर भएको १८ हजार ५० मतमध्ये १२ हजार १ सय ४८ मत पाएर पाँच दलीय गठबन्धनबाट नेपाली कांग्रेसका इम्तियाज आलमले अग्रतालाई कायमै राखेका छन् ।

उनी निकटम प्रतिद्वन्द्वी नेकपा एमाले र लोकतान्त्रिक समाजवादी पार्टी ‘लोसपा’ को गठबन्धनका पुरुषोत्तमलाल झाभन्दा ९ हजार ६ सय ६७ मतको फराकिलो अन्तरले अगाडी छन् ।

झालाई पछ्याउने क्रममा उपप्रमुखकी स्वतन्त्र उम्मेदवार रम्भा मिश्राले १ हजार ८ सय ३८ मत पाएकी छिन् । राष्ट्रिय प्रजातन्त्र पार्टी ‘राप्रपा’ की बिना जैसवाल कुर्मीले १ हजार ३ सय २९ मत पाएको मुख्य निर्वाचन अधिकृत धर्मराज पौडेलले जानकारी दिए ।