पर्साको बहुरमाई नगरपालिकामा जसपाका सिंगासन साह तेली बिजयी

५ जेठ, बीरगन्ज । पर्साको बहुरमाई नगरपालिकाको मेयरमा जनता समाजवादी पार्टीका सिंगासन साह तेली निर्वाचित भएका छन् ।

उनी ६ हजार ४ मत प्राप्त गरी बिजयी भएको भएका हुन् । उनका निकटम प्रतिद्वन्द्वी नेकपा एमालेका शिव पटेल ५ हजार ६ सय ५८ मत प्राप्त गरेका छन् ।

यस भन्दा पहिलाको निर्वाचनमा निर्वाचित नेपाली कांग्रेसका उम्मेदवार नितेन्द्र साह तेस्रो नम्बरमा पुगेका छन् । उनले जम्मा ५ हजार ५ सय १६ मत प्राप्त गरेका छन् ।

बहुरमाई नगरपालिकाको उपमेयरमा भने नेकपा एमालेका नेतृ सुष्मा कुमारी कुशवाहा निर्वाचित भएकी छिन् ।

उनले आफ्नो निकटम प्रतिद्वन्द्वी सोनामती देवी यादवलाई ६ हजार ४ सय ४० मत ल्याई पराजित गरेकी हुन् । उनको निकटम प्रतिद्वन्द्वी नेपाली कांग्रेसकी यादवले ५ हजार ५ सय २५ मत प्राप्त गरेकी छिन् ।