बीरगन्ज-२५ मा जसपाको चर्तुवेदी प्यानलसहित विजयी

६ जेठ, बीरगन्ज । बीरगन्ज महानगरपालिका वडा नम्बर २५ मा जसपाको प्यानल नै विजयी भएको छ । शुक्रबार बिहान सम्पन्न उक्त वडाको मतगणना अनुसार , वडा नम्बर २५ को वडाअध्यक्षमा जसपाका आशुतोष चर्तुवेदी विजयी भएका छन् ।

निकटतम प्रतिस्पर्धी निवर्तमान वडा अध्यक्ष समेत रहेका नेकपा एमालेका उम्मेदवार विषराज पटेललाइ ५५ मतले पराजित गर्दै चर्तुवेदी वडा अध्यक्षमा निर्वाचित भएका हुन् ।

चर्तुवेदीले ९७७ मत पाउदा पटेलले भने ९२२ मत पाएका छन् । कांग्रेसका उम्मेदवार भैयाराम पटेलले भने ६१४मत मात्रै पाएका छन् । महिला सदस्य , दलित महिला सदस्य र दुइ खुल्ला सदस्य पनि जसपाकै उम्मेदवार विजयी भएका छन् ।