बीरगञ्ज महानगर उपप्रमुखमा आलम फराकिलो मतले अगाडी

६ जेठ, बीरगञ्ज । बीरगञ्ज महानगरपालिकाको उपप्रमुखमा बदर हुने मतको संख्या रोकिएको छैन । ३२ वडामध्ये २० वटा वडाको ४९ हजार ८ सय ५४ मत गणना हुँदासम्म उपप्रमुखको २३ हजार २ सय ५३ मत बदर भएको छ ।

सदर भएको २६ हजार ६ सय १ मतमध्ये १३ हजार ६ सय ५७ मतका साथ पाँच दलीय गठबन्धनबाट नेपाली कांग्रेसका इम्तियाज आलमले अग्रता कायमै राखेका छन् ।

लोकतान्त्रिक समाजवादी पार्टी ‘लोसपा’ का पुरुषोत्तमलाल झाले ३ हजार ७ सय ४७ मत पाएका छन् । राष्ट्रिय प्रजातन्त्र पार्टी ‘राप्रपा’ की बिना जैसवाल कुर्मीले २ हजार ७ सय ५८ मत पाउँदा स्वतन्त्र उम्मेदवार रम्भा मिश्राले २ हजार २ सय ८३ मत पाएकी छिन् ।