बीरगञ्ज ८ को वडाध्यक्षमा रितेश गुप्ता विजयी

७ जेठ, बीरगन्ज । बीरगन्जको वडा नम्वर ८ मा जसपाका उम्मेद्वार रितेश गुप्ता विजयी भएका छन् । नेपाली कांग्रेसबाट टिकट नपाएपछि जसपा प्रबेस गरेर उम्मेद्वार बनेक गुप्ताले कंग्रेसकै उम्मेद्वारलाई पराजित गर्दै विजयी भएका हुन् ।

विधार्थीकालदेखि नेविसंघको राजनीति गर्दै कांग्रेसको बुथसभापति समेत रहिसकेका गुप्ता कांग्रेसले टिकट नदिएपछि मनोनयनको अघिल्लो दिन मात्रै जसपामा प्रवेश गरेका थिए ।

गुप्ताले वडा अध्यक्षमा कांग्रेसका उम्मेदवार राजेन्द्र श्रेष्ठलाइ ६५९ मतको अन्तरले हराउदै वडा अध्यक्षमा जित हात पारेका हुन् । गुप्ताले ११७५ मत पाउदका उनका निकटतम प्रतिद्धन्द्धी कांग्रेसका श्रेष्ठले भने ५१६ मत मात्रै पाए ।

त्यहाँका एमालेका उम्मेद्वार एंव निवर्तमान वडाअध्यक्ष राजकिशोर गुप्ता भने २६१ मतमा मात्रै सिमित हुन पुगेका छन् । वडा नम्बर ८ मा वडाअध्यक्ष सहित पुरै प्यानल जसपाले जितेको छ ।