अपडेटः पाइटल प्रभाकर घिमिरेले लिड गरेको सम्पर्कबिहीन विमानको यस्तो आयो विवरण

१५ जेठ, काठमाडौं । पोखराबाट जोमसोसका लागि १९ यात्रु लिएर उडेको तारा एयरको विमान मुस्ताङको लेतेमा पुगेपछि सम्पर्कबिहिन भएको विमानमा चालक दलका सदस्यसहितको नाम सार्वजनिक भएको छ ।

जहाजमा १३ जना नेपाली नागरिक, ४ जना भारतीय र २ जना जर्मनी नागरिकसहित ३ जना चालक दलका सदस्यगरी २२ जना रहेको बताईएको छ ।

जसमा १२ पुरुष, ७ महिला गरी १९ जना रहेका छन्। त्यस्तै पाइलट प्रभाकर घिमिरे, को-पाइलट उत्सव पोखरेल र एयर होस्टेज किस्मी थापा रहेको बताइएको छ । विमानमा इन्द्र बहादुर गोले, पुरुषेत्तम गोले, राजन कुमार गोले, मिक ग्र्याट, बसन्त लामा, गणेश नारायण श्रेष्ठ, रवीना श्रेष्ठ, रस्मी श्रेष्ठ, रोजिना श्रेष्ठ, प्रकाश सुनुवार, मकर बहादुर तामाङ, राममाया तामाङ, सुकुमाया तामाङ, तुल्सादेवी तामाङ, अशोक कुमार त्रिपाठी, धनुष त्रिपाठी, ऋतिका त्रिपाठी, युवी विल्नर र वैभवी बाण्डेकर सवार थिए ।

प्रहरीका अनुसार लेते क्षेत्रसम्म सम्पर्कमा रहेको विमान एकाएक सञ्चार सम्पर्कविहीन बनेको थियो । विमानकाे खोजी कार्य जारी रहेको छ । जहाज ९ बजेर ५५ मिनेटमा पाेखराबाट जाेमसाेमका लागि उडेको थियो ।

तारा एयरको ‘एईटी’ ट्विनअटर विमान लेते क्रस भएर धौलागिरित मोडिएपछि सम्पर्कबिहिन भएको बताइएको छ । बिमानको खोजीका लागी सुरक्षाकर्मीलाई स्ट्याण्डबाई राखिएको छ ।

यात्रुहरूकाे विवरण यस्ताे छ नामसहितः-