आगामी बजेटबारे छलफल गर्न दिउँसो २ बजे बोलाए देउवाले मन्त्रिपरिषद्को बैठक

१५ जेठ, काठमाडौं । प्रधानमन्त्री शेरबहादुर देउवा बजेटबारे छलफल गर्न दिउँसो २ बजे मन्त्रिपरिषदको बैठक बोलाएका छन् । उनले आज सार्वजनिक हुने आगामी आर्थिक वर्षको बार्षिक बजेटमाथि छलफल र निर्णय लिनका लागि बैठक बोलाएका हुन् ।

सरकारको आगामी आर्थिक बर्षको बजेट आइतबार अपरन्ह संसद भवन नयाँ बानेश्वरबाट सार्वजनिक गर्ने तयारी छ । प्रधानमन्त्रीको सरकारी निवास बालुवाटारमा दिउँसो २ बजेका लागि मन्त्रिपरिषद् बैठक बोलाइएको देउवाको निजि सचिवालयले जनाएको छ ।

बैठकले बजेटको आकारबारे अन्तिम निर्णय गर्नेछ । संसदमा बजेट प्रस्तुत गर्न अर्थमन्त्रीलाई स्वीकृति प्रदान गर्नेलगायत निर्णय गर्नेछ । संघीय संसद्का दुवै सदनको संयुक्त बैठकमा अर्थमन्त्री जनार्दन शर्माले बजेट प्रस्तुत गर्ने कार्यसूची छ ।