सेनाको हेलिकोप्टर मुस्ताङको नर्सिङ गुम्बामा अवतरण, स्थलगत टोली परिचालन

१५ जेठ, काठमाडौं । मौसममा सुधार आएपछि नेपाली सेनाको हेलिकोप्टर मुस्ताङको नर्सिङ गुम्बा भन्ने स्थानमा अवतरण भएको छ । तारा एयरको वेपत्ता जहाज खोजीका लागि गएको हेलिकोप्टर अवतरणपछि संम्भावित क्षेत्रतिर स्थलगत टोलि परिचालन गरिएको छ ।

हेलिकोप्टर अवतरण भइपनि नेपाली सेना र नेपाल नागरिक उड्डयन प्राधिकरणका गरी १२ जनाको टोली मोबाइलको लोकेसन पत्ता लागेको तर्फ गएको नेपाल नागरिक उड्डयन प्राधिकरणले जनाएको छ ।

पैदलयात्राबाट पनि सेना र प्रहरीको टोली पनि परिचालन गरिएको छ । काठमाडौंबाट हिमालयन रेस्क्युको टोली पनि त्यसतर्फ गएको छ । विमानका क्याप्टेन प्रभाकर घिमिरेको फोनले टिटी लेक आसपासमा लोकेसन देखाएकाले खोजीलाई सोही क्षेत्रतिर केन्द्रित गरिएको छ ।