प्रधानमन्त्री देउवाले बोलाए सत्ता गठबन्धनका शीर्ष नेताहरुलाई बालुवाटार

१६ जेठ, काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले देशका पछिल्ला घटना क्रमका विषयमा छलफल गर्न भन्दै सत्ता गठबन्धनमा रहेका दलका शीर्ष नेताहरुलाई बालुवाटार बोलाएका छन् ।

प्रधानमन्त्री देउवाका प्रेस सल्लाहकार गाविन्द परियारले दिएको जानकारी अनुसार पाँच दलका शीर्ष नेताहरुलाई छलफलका लागि भन्दै दिउँसो ३ बजे बालुवाटार बोलाइएको छ ।

सत्ता गठबन्धनमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र राष्ट्रिय जनमोर्चा गरी पाँच दल रहेका छन् । ती दलका शीर्ष नेतालाई छलफलका लागि आउन भनिएको हो ।

देउवाले मुस्ताङ भएको विमान दुर्घटना, आगामी आर्थिक वर्षका लागि सार्वजनिक गरिएको बजेट र स्थानीय तहको निर्वाचनलगायतका विषयमा गठबन्धनका शीर्ष नेतासँग छलफल गर्नेछन् । आगामी दिनमा गठबन्धको कार्यदिशाबारे पनि छलफल हुने बताइएको छ ।