कामना सेवा विकास बैंकद्वारा १६ औँ शाखारहित बैंकिङ सेवा सञ्चालन

११ असािर, काठमाडौं । कामना सेवा विकास बैंक लिमिटेडले देशका विभिन्न स्थानहरुमा सर्वसुलभ तथा अत्याधुनिक बैंकिङ सेवापु¥याउने उद्देश्यका साथ थप नयाँस्थानहरूमा मोबाइल एपमार्फत शाखारहित बैंकिङ सेवा शुभारम्भ गरेको छ ।

बैंकले सेवा विस्तार गर्ने क्रममा असार १० गते शुक्रबारबाट कैलाली जिल्लाको जानकीगा.पा. वडा नं. ०५ को अमौरामा शाखारहित बैंकिङ सेवा सञ्चालनमा ल्याएको जनाएकाे छ ।

जानकी गा.पा. वडा नं ०५ अमौरास्थित राम चौधरी तयारी पोसाक उद्योग (प्रो. राम चौधरी) लाई शाखारहित बैंकिङ सञ्चालनको लागि व्यवसायिक प्रतिनिधि नियुक्त गरिएको बैंकले जानकारी दिएकाे छ । वडा नं. ०५का वडा अध्यक्ष  भिम बहादुर चौधरीले उक्त शाखारहित बैंकिङ सेवाको समुद्घाटन गरी सेवा शुभारम्भ गरेकाे बैंकले जनाएकाे छ।

कार्यक्रममा वडा नं. ०५ का अन्य जनप्रतिनिधि, व्यवसायिक प्रतिनिधि, स्थानीयहरुका साथै बैंकका अन्य कर्मचारीहरुको उपस्थिती रहेको थियो ।

शाखारहित बैंकिङमार्फत खाता खोल्ने, निक्षेप संकलन, रकम भुक्तानी, विभिन्न बिल भुक्तानी लगायतका सुविधाहरु प्रदान गरिने बैंकले जनाएकाे छ । यो सेवाबाट ग्रामीण तथा बैंकिङ पहुंच नपुगेका क्षेत्रमा बैंकप्रति उल्लेख्य विश्वास एवं बैंकिङ  अवधारणाको विकास हुने अपेक्षा बैंकले लिएको छ ।