तराईका जिल्लामा सशस्त्र प्रहरीको सक्रियता बढ्यो, २ क्विन्टल गाँजासहित स्कोर्पियो नियन्त्रणमा

२ साउन, रौतहट । सीमावर्ती तराईका जिल्लाहरुमा हुने तस्करी र अपराधिक गतिविधि नियन्त्रण गर्न सशस्त्र प्रहरी बल छिन्नमस्ता बाहिनीको सक्रियता बढेको छ । सशस्त्र प्रहरी छिन्नमस्ता मुख्यालय बाहिनीका प्रमुख डीआईजी गणेश ठाडा मगरको विशेष निर्देशनमा रौतहटस्थित सशस्त्र प्रहरीको टोलीले २ क्विन्टल लागुऔषध गाँजासहित एक भारतीय नम्बर प्लेटको स्कर्पियो गाडी बरामद गरेको छ ।

सशस्त्र प्रहरी बेस क्याम्प फतुवाबाट इन्स्पेक्टर विनय श्रेष्ठको कमान्डमा गएको टोलीले राजपुर नपा ६ कुडिया चौकस्थित गाडीसहित २ क्विन्टल लागुऔषध गाँजा बरामद गरेको हो ।

आँपको बगैँचामा लुकाई पार्किङ गरि राखिएको डिएल ४ सि एनबी ६२२९ नम्बरको स्कोर्पियोमा गाँजाको १३ वटा पोकालाई टोलीले नियन्त्रणमा लिएको सशस्त्र प्रहरी मधेस प्रदेश प्रमुख डीआईजी मगरले बताए ।

प्रति पोका १४ केजी ८ सय ग्रामको दरले कुल १ सय ९२ केजी ४०० सय ग्राम गाँजासहित एक स्कर्पियो बरामद भएको डीआईजी मगरले जानकारी दिएका छन ।

बरामद गाँजासहितको गाडी कसको हो भने हालसम्म खुल्न नसकेको तथा आवश्यक अनुसन्धान एवं कार्वाहीको लागि जिल्ला प्रहरी कार्यालय रौतहटमा बुझाइएको सशस्त्र प्रहरीले जनाएको छ ।