बिहानै नुवाकोटको बेलकोटगढी केन्द्रविन्दु बनाएर ५.३ म्याग्निच्युडको भूकम्प

२१ साउन, काठमाडौं । शनिबार बिहान नुवाकोटको बेलकोटगढी केन्द्रविन्दु बनाएर भूकम्प गएको छ । आज बिहान ५ बजेर २६ मिनेटमा नुवाकोटको बेलकोटगढी केन्द्रविन्दु बनाएर ५ दशमलव ३ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ ।

भूकम्पको धक्का नुवाकोट, धादिङ्, काठमाडौंसहित कयौं जिल्लामा गरिएको छ । भूकम्पको धक्काले मस्त निन्द्रामा सुतेका काठमाडौं लगायत ललितपुरबासीलाई ब्युँझाएको थियो । भूकम्पकाे महसुससँगै मानिसहरु एकाबिहानै उठेका थिए ।

यसअघि गत साउन १५ गते खोटाङको मार्तिमबिर्तालाई केन्द्रविन्दु बनाएर ६ रेक्टर स्केलको भूकम्प गएको थियो ।त्यस्तै गत साउन ९ गते सिन्धुपाल्चोकको हेलम्बु फुट ट्रेल नजिकै ६ बजेर ७ मिनेटमा ४.७ म्याग्निच्युडको भूकम्प गएको थियो ।

विज्ञहरूका अनुसार ०७२ सालकै विनाशकारी भूकम्पका पराकम्प जाँदा बारम्बार स–साना भूकम्प मापन भइरने केन्द्रले जनाएको छ ।