रणवीर सिंहलाई नग्न फोटोशूट प्रकरणमा मुम्बई पुलिसले सोधपुछ गर्ने

२७ साउन, एजेन्सी । पछिल्लाे समय नग्न फोटोशूट प्रकरणले भाइरल बनेका बलिउड अभिनेता रणवीर सिंहलाई सोधपुछका लागि मुम्बई पुलिसले बाेलाएकाे छ ।

अभिनेता सिंहलाई मुम्बई प्रहरीले २२ अगस्टमा सोधपुछका लागि बोलाएको हाे । रणवीर बाहिर भए पनि केही प्रहरी अधिकारी उनलाई सूचना दिन उनको घर गएका थिए ।

रणवीरले २२ जुलाईमा पेपर म्यागजिनको लागि नग्न फोटोशूट गरेका थिए। तस्बिरहरू सोशल मिडियामा बाहिर आएपछि मुम्बईको एक एनजीओले चेम्बुर पुलिस स्टेशनमा उनीविरुद्ध एफआईआर दर्ता गरेको एजेन्सीले जनाएकाे छ ।

एनजीओले रणवीरकाे नग्न फोटोबाट महिलाको भावनामा चोट पुर्‍याएको र अपमान गरेको बताएको छ । एनजीओले उनको तस्बिर ट्विटर र इन्स्टाग्रामबाट हटाउनुपर्ने माग गरेकाे छ ।

साथै एनजीओले उनलाई पक्राउ गर्न पनि माग गरिएको मुम्बई पुलिसले जनाएकाे छ । रणवीरविरुद्ध आईपीसीको धारा ५०९, २९२, २९३, आईटी एक्टको धारा ६७ ए अन्तर्गत मुद्दा दर्ता भएकाे छ।