अभिनेत्री श्वेता खड्का आमा बन्दै

३० साउन, काठमाडौं । अभिनेत्री श्वेता खड्का आमा बन्दै छिन् । अभिनेत्री खड्काले पहिलो सन्तानलाई कात्तिक महिनको अन्त्यतिर जन्म दिने छिन् ।

स्रोतका अनुसार उनको गर्भमा पाँच महिनाको शिशु हुर्किरहेको जनाइएको छ । हिजोआज उनी घरमै आराम गरिरहेकी छिन् र सार्वजनिक कार्यक्रममा देखिएकी छैनन् ।

धनगढीका विजयन्द्रसिंह राउतसँग २०७७ साल मंसिर २२ गते श्वेताको विवाह भएको थियो । त्यसअघि उनको विवाह अभिनेता श्रीकृष्ण श्रेष्ठसँग भएको थियो । श्रीकृष्णको निधनको केही वर्षपछि श्वेता र विजयन्द्रले विवाह गरेका हुन् ।