बढैयाताल गाँउपालिकाले अदालतको आदेश लत्याउँदै, कर्मचारीको १४ महिनाको तलब झयाम्

♦ दीपक शर्मा

६ भदौ, बर्दिया । श्रम गरेपछि त्यसको पारिश्रमिक पनि पाउनु पर्छ, यो सामान्य कुरा हो । तर बर्दियामा यस्तो पालिका छ, जसले १४ महिनासम्म कमचारीको तलब रोकेर राखेको छ । त्यति मात्र होइन, अदालतको आदेशलाई समेत लत्याउँदै अगाडि बढिरहेको छ ।

प्रसंग हो, बर्दियाको बढैयाताल गाँउपालिकाको उधम विकास सहजकर्ताको पदमा कार्यरत पुष्पा शर्माको । भत्ताको त कुरै छोडौं, उनले पाउनुपर्ने १४ महिनाको पारिश्रमिकसमेत गाँउपालिकाले दिएको छैन । अझ अचम्म त के छ भने पीडित कर्मचारीले तलब पाउ भनि कार्यालयमा माग गरेपनि वेवास्ता गरेपछि अदालत गएकी शर्माले अदालतले समेत उनले पाउनु पर्ने पारिश्रमिक दिनु भन्दा पनि गाँउपालिकाले अटेर गरेको हो ।

गाँउपालिकाको यस्तो खालको रबैयाले गर्दा पीडित मात्र होइन नगरवासी समेत अचम्ममा परेका छन । बढैयाताल गाँउपालिका वडा न. ३ निवासी पुष्पा शर्माले २०७७ साल पौष १ गते देखि २०७८ साल असार मसान्तसम्मको लागि गरिबी निवारण लघुउद्यम विकास कार्यक्रमबाट भुक्तानी पाउने गरी उद्यम विकास सहजकर्ता चौथो तहको पदको नियुक्ति पाएकी हुन ।

उनले २०७८ असार मसान्तसम्मको तलब पाएको त्यसपछि जनप्रतिनिधि र प्रमुख प्रशासकीय अधिकृतले काम गर्दै गर्नु तलब तपाईको खातामा आउँछ भनेपछि मौखिक भनाइमा रहेर शर्माले २०७८ साल असारदेखि २०७९ साउनसम्मको तलव पारिश्रमिक नपाएकी हुन ।

उनले पारिश्रमिक नपाएपछि कार्यालयमा पटकपटक जानकारी गराउँदा पनि वेवास्ता गर्ने भएका कारण बाध्य भएर पारिश्रमिक माग गर्दै अदालतको ढोका ढकढक्याउन पुगेकी थिइन । २०७८ साल चैत्र २० गते उच्च अदालत तुल्सिपुर नेपालगञ्जमा दर्ता भएको मुद्धा २०७९ साल असार ३१ गते शर्माको पक्षमा फैसला भएको थियो । सम्मानित उच्च अदालतको परमादेशको समेत पालिकाले अबज्ञा गरेको हो ।

अदालतले निजले पाउनु पर्ने पारिश्रमिक तत्काल उपलव्ध गराउन पालिकालाई आदेश दिएपनि पालिकाले कानमा तेल हालेर बसेको हो । पालिका प्रमुख हिमालय त्रिपाठीले यो विषयमा आफुलाई थाहा नभएको भन्दै पन्छिएका छन् । प्रमुख प्रशासकीय अधिकृत धर्मराज न्यौपानेले कुनै चासो नदिएको पाइएको हो ।

गाँउपालिकाले अदालतको आदेशलाई समेत लत्याउछ भने स्थानीय नागरिकलाई कसरी सम्बोधन गर्छ होला, सोझै अनुमान लगाउन सकिन्छ । अदालतको आदेशलाई लत्याउने गाँउपालिका प्रमुख तथा प्रमुख प्रशासकिय अधिकृतले पालिकालाई कहाँ लैजान खोजेको हुन भन्दै स्थानीयबासी आक्रोशित बनेका छन् ।

प्रमुख प्रशासकीय अधिकृत धर्मराज न्यौपानेले कुनै चासो नदिएको पाइएको हो । स्रोतका अनुसार कर्मचारीले पाउनुपर्ने तलब लेखा अधिकृत नारायण राज त्रिपाठी, तथा कार्यालय प्रमुखले हिनामिना गरेको बुझिएको छ । अन्यथा कर्मचारीले पाउनु पर्ने तलब आएपनि किन दिइएको छैन । गाँउपालिकाले अदालतको आदेशलाई समेत लत्याउछ भने स्थानीय नागरिकलाई कसरी सम्बोधन गर्छ होला ? सोझै अनुमान लगाउन सकिन्छ ।

अदालतको आदेशलाई लत्याउने गाँउपालिका प्रमुख तथा प्रमुख प्रशासकीय अधिकृतले पालिकालाई कहाँ लैजान खोजेको हुन भन्दै स्थानीयबासी आक्रोशित बनेका छन । पछिल्लो पटक बढैयाताल गाँउपालिका भ्रष्टाचारको अखडा बन्दै गएको छ । लेखा अधिकृत नारायण राज त्रिपाठीले आफु निकटका व्यक्ति तथा सत्ता र शक्तिको आडमा प्रमुख प्रशासकीय अधिकृतसँग मिलेर रकम बाँडफाँड गर्ने गरेको बताइएको छ ।