उपेन्द्र यादवले मुख्यमन्त्री राउतको राजीनामा मागेको दाबी

भदौ ७, काठमाडौं ।
जनता समाजवादी पार्टी अध्यक्ष उपेन्द्र यादवले मधेस प्रदेशका मुख्यमन्त्री मोहम्मद लालबाबु राउतको राजीनामा मागेको दाबी गरिएको छ ।

अध्यक्ष यादवले भ्रष्टाचारको कारण देखाउँदै राउतलाई पद छाड्न निर्देशन दिएका हुन् ।
यादवले राजीनामा किन मागेको सम्बन्धमा खुलाउँदै जसपाका एक नेताले भने,’ ‘मूख्यमन्त्री स्वच्छता अभियान र बेटी बचाऊ, बेटी पढाऊ अभियानमा भएको चरम अनियमिततालाई लिएर राजीनामा मागिएको हो ।’

राजनीतिक समिति बैठकमै यादवले राउतलाई मुख्यमन्त्रीबाट फिर्ता हुन निर्देशन दिएका छन् । मुख्यमन्त्री राउतले भने यसबारे कुनै प्रतिक्रिया वा जवाब दिएका छैनन् ।
बेटी पढाउ, बेटी बचाउ अभियान अन्र्तगत साइकल खरिदमा अनियमितता भएको अख्तियारको अनुसन्धानले ठहर गरेको छ । मुख्यमन्त्री स्वच्छता अभियान अन्र्तगत् पोखरी सौन्दर्यीकरण, सडक सरसफाइ लगायतका कार्यक्रम सञ्चालन भएका थिए । उक्त विषयमा समेत अख्तियारले छानबीन गर्दैछ ।