प्रहरी चौकी स्थापना

♦ दीपक शर्मा

२० भदौ, बर्दिया / बर्दियाको राजापुर नगरपालिका वार्ड न २ बालाबजारमा स्थानिय माग अनुसार अस्थाई प्रहरी चौकीको एक समारोहका विच उदघाटन गरिएको छ ।

छिमेकी देश भारत संग सीमा जोडिएको बर्दिया जिल्लामा सीमा क्षेत्रमा दिनप्रतिदिन बढदै गएको अपराध न्युनिकरण गर्न तथा स्थानिय स्तरमा हुने अपराधमा न्युनिकरण गर्नमा सहयोग पुग्ने नेपाली काग्रेसका सह महामन्त्री किशोर सिह राठौरले बताए । साथै उनले नागरिकको सुरक्षामा प्रहरी सधै लागी पर्नुपर्ने चौकि उदघाटनको क्रममा बताए ।

नेपाली काग्रेसका महासमिति सदस्य जन्मजय तिमिल्सिनाले नागरिक र प्रहरीको सम्बन्ध सूमधुर भएमा समाजमा हुने अपराधिक गतिविधि न्युनिकरण भएर जाने बताए । सो क्षेत्रमा प्रहरी चौकि स्थापना भएपछि बर्दियाको गेरुवा गाँउपालिका र राजापुर नगरपालिकाका नागरिकहरुलाई प्रत्यक्ष फाइदा पुग्ने बताइएको छ । सो प्रहरी चौकि उदघाटन समारोहमा राजापुर नगरपालिकाका प्रमुख दिपेश थारु , प्रमुख जिल्ला अधिकारी बन्धु प्रसाद वास्तोला , जिल्ला प्रहरी कार्यालयका प्रहरी उपरिक्षक बिरेन्द्रबहादुर शाही लगायतको समेत उपस्थिति रहेको थियो ।

विकास संगै शान्ति सुरक्षाको मेरुदण्डको रुपमा रहेको प्रहरी संगठनको उपस्थितिले स्थानिय लाभान्वित हुने विश्वास स्थानिय वासीहरुले लिएका छन ।