एसियन लाइफ इन्स्योरेन्सका संस्थापकले १ लाख कित्ता शेयर बिक्री गर्ने

२२ भदौ, काठमाडौं । एसियन लाइफ इन्सुरेन्सका संस्थापक सेयरधनीले बुधबारदेखि आफ्नो नाममा रहेको १ लाख कित्ता संस्थापक शेयर बिक्रीमा ल्याएका छन् ।

यसमा कम्पनीका विद्यमान अन्य संस्थापक शेयरधनीले आवेदन दिन सक्नेछन् । शेयर खरिद गर्न इच्छुक संस्थापक शेयरधनीले बुधबारबाट १५ दिनभित्र इन्स्योरेन्सको मुख्य कार्यालय मैतिदेवी, काठमाडौंमा खरिद गर्न चाहेको शेयर संख्या खुलाई निवेदन पेस गर्नुपर्नेछ ।

उक्त समयभित्र कुनैपनि संस्थापकबाट निवेदन प्राप्त नभए अन्य व्यक्ति वा संस्थाले शेयर खरिद गर्न सक्ने कम्पनीले जानकारी गराएको छ ।